तुम्हाला नवीन संकल्पना सुचली आहे का? तिच्यावर लगेच काम सुरु करा…

तुम्हाला नवीन संकल्पना सुचली आहे का? तिच्यावर लगेच काम सुरु करा…

‘उद्योजक मित्र’ सोशल मीडिया नेटवर्क फॉलो करा :: फेसबुकट्विटरइंस्टाग्राम

……………………………..

व्यवसायासंबंधी एखादी नवीन संकल्पना सुचल्यानंतर ती चांगली आहे कि नाही हे तुम्ही आधीच ठरवू शकत नाही. ती संकल्पना आधी तुम्हाला प्रत्यक्षात उतरवावी लागते. त्यावर काम करावे लागते. आणि मग तुम्ही केलेला प्रयोग यशस्वी ठरला आहे कि नाही, किंवा त्या संकल्पनेला भविष्य आहे कि नाही याचा विचार होऊ शकतो.

नुसतं मला संकल्पना सुचली आहे असं म्हणून फायदा नाही, तुम्हाला स्वतःला आधी त्या संकल्पनेवर काम करावे लागेल, तिला सत्यात उतरवावे लागेल, तिचा रिझल्ट येण्यासाठी काही काळ वाट पाहावी लागेल, मग तिचे मूल्य किती आहे हे लक्षात येईल.

जगातील साडे सातशे कोटी लोकसंख्येचा विचार करता जगभरात दिवसाला लाखभर लोकांच्या डोक्यात तरी काही ना काही संकल्पना येत असतीलच, पण म्हणून त्या सगळ्या काही अमलात येत नाहीत. कुणाची त्यावर काम करण्याची तयारी नसते, कुणाला ती अमलात कशी आणायची हेच सुचत नसते, कुणाला त्यावर इतर कुणीतरी काम करावे असे वाटत असते, कुणाला संकल्पना सुचली हेच खूप झाले असे वाटते… पण यातून क्वचित एखादा त्याला सुचलेल्या संकल्पनेवर काम करतो आणि एक नवीन स्टार्टअप जन्माला येते. आता ते स्टार्टअप यशस्वी होणार कि अपयशी हे काळ ठरवेल, पण ते ठरवण्यासाठी ती संकल्पना त्यांनी सत्यात उतरवलेली असते हे महत्वाचे असते.

नवीन संकल्पना अपयशी ठरण्याचे प्रमाण नेहमीच जास्त असते कारण तिची उपयोगिता आधी ठरवता येत नसते. पण कदाचित यामुळेच नवीन संकल्पना आपलं स्वतंत्र अस्तित्व तयार करण्यात यशस्वी होत असतात. नवीन संकल्पनेवर बरेच प्रयोग केल्यानंतर तिची उपयोगिता ठरते. बऱ्याचदा संकल्पना चांगली असली तरी तिची मार्केटला गरज नसते किंवा मार्केटला तिची गरज भासतच नाही, एखादी संकल्पना फार काही मोठी नसते पण मार्केट तिला डोक्यावर घेतं, काह संकल्पना आर्थिक उत्पन्नाच्या दृष्टीने सुरूच केलेल्या नसतात, पण त्यामधून प्रचंड कमाई होते, तर काही आर्थिक दृष्टिकोनातून सुरु केलेल्या असतात पण त्यांची उडी सोशल वर्क करण्याच्या पलीकडे जात नाही. पण हे सर्व काही ठरतं त्या संकल्पना सत्यात उतरल्या नंतर…

फेसबुक, ट्विटर, व्हाट्सअँप, इंस्टाग्राम कशाचीही सुरुवात पैशाच्या उद्देशाने झालेली नाही. या फक्त संकल्पना होत्या, त्यांनी त्यावर काम केले, लोकांना त्यांची उपयोगिता जाणवली आणि मग ते स्टार्टअप मोठे झाले. पैसा बाजार, कार देखो सारख्या संकल्पना या आर्थिक दृष्टिकोनातूनच तयार झालेल्या आहेत, आणि त्यांनी आपली उपयोगिता सिद्ध केली, आर्थिक बाबतीतही फायदेशीर ठरल्या. ऑर्कुट चांगली संकल्पना होती पण काळाच्या मागे पडली, आता विस्मृतीत गेली. पण या प्रत्येक संकल्पनेवर काम केलं गेलंय, म्हणून त्यांची नावे आज आपण घेत आहोत. त्या जर त्यांच्या फाउंडर च्या डोक्यातच राहिल्या असत्या तर?

म्हणून, कोणतीही संकल्पना सुचल्यानंतर लगेच तिच्यावर काम सुरु करा. तिला सत्यात उतरवण्याचा प्रयत्न करा, आणि मग ती योग्य कि अयोग्य, चांगली कि वाईट, यशस्वी कि अपयशी या निष्कर्षापर्यंत या… पण मी एका गोष्टीची खात्री देऊ शकतो, तुमची संकल्पना अपयशी ठरो किंवा यशस्वी, ती तुम्हाला ओळख नक्कीच देऊन जाईल.

व्यवसाय साक्षर व्हा…
उद्योजक व्हा…
समृद्ध व्हा…
_

श्रीकांत आव्हाड

Business Consultant
www.ShrikantAvhad.com

:::::::::::::::::::::::::::::::::::::::::::

‘उद्योजक मित्र’ सोशल मीडिया नेटवर्क फॉलो करा :: फेसबुकट्विटरइंस्टाग्राम

All rights are reserved. Violation of copyright will result into legal action.
लेखनाचे सर्व हक्क राखीव आहेत. कॉपीराईट हक्कांचा भंग दिवाणी व फौजदारी कारवाईस पात्र राहील

Related Post

Leave a Reply

Your email address will not be published. Required fields are marked *

error: Content is protected !!