आमच्याविषयी

“उद्योजक मित्र” हे व्यवसायासंबंधी विविध माहिती पुरविणारे एक अग्रगण्य ऑनलाईन पत्रक (मॅगझीन) आहे. याद्वारे विविध सोशल मीडियाच्या माध्यमातून नवउद्योजकांना व्यवसायाविषयी माहिती पुरविली जाते. नवउद्योजकांना याप्रकारची माहिती देणारे हे एकमात्र व्यासपीठ आहे. इथे तुम्हाला व्यवसायाविषयी साक्षर करण्यासाठी प्रयत्न केला जातो. “व्यवसाय कसा करायचा हे शिका, कोणताही व्यवसाय यशस्वी होईल” या संकल्पनेवर हे व्यासपीठ उभे आहे. इथे तुम्हाला व्यवसाय कसा करावा हे सांगण्याचा प्रयत्न केला जातो.

अॅड. श्रीकांत आव्हाड यांच्या संकल्पनेतून हे व्यासपीठ साकारलेले आहे. “उद्योजक मित्र” चा महत्वाचा उद्देश म्हणजे नवीन व्यवसाय सुरु करू इच्छिणाऱ्यांना व्यवसायासंदर्भात शक्य तेवढी माहिती उपलब्ध करून देणे, नवउद्योजकांना व्यवसाय साक्षर बनविणे. कित्येक नवउद्योजकांना व्यवसायाची प्राथमिक माहिती सुद्धा नसते, अगदी व्यवसाय नोंदणी कोणती करावी इथपासून आपल्या समस्या सुरु होतात. जिथं आपल्याला प्राथमिक माहिती नाही तिथं व्यवसाय तर खूप लांबची गोष्ट आहे.

मार्केटमधे कन्सल्टन्ट भरपूर आहेत, पण जवळजवळ सर्वांची सेवा हि कर्ज, सबसिडी, मशिनरी यापुरतीच मर्यादित असते. आणि जवळपास सगळेच कन्सल्टन्ट हे फक्त मोठमोठया व्यवसायिकांनाच सेवा देण्यात धन्यता मानत असतात. त्यांचाही बरोबर आहे. जो वेळ लहान व्यवसायिकाला द्यावा लागतो त्याच वेळात मोठ्या क्लायंट ला सेवा देऊन चांगलं उत्पन्न मिळवता येतं. हा व्यवसायाचा नियमच आहे. पण यामुळे लहान क्लायंट ला, नवउद्योजकांना लोन आणि सबसिडी याव्यतिरिक्त व्यवसाय म्हणजे काय हे माहित करून घेण्यासाठी काहीच स्रोत उपलब्ध राहत नाहीये. व्यवसायासंबंधी पुरेशी माहिती नसल्यामुळे कित्येकांचे व्यवसाय सुरूच होत नाहीत, आणि जे सुरु होतात त्यांची अडथळ्यांची शर्यत संपत नाही. मग हि माहिती तुम्हाला मिळणार कशी ? व्यवसायासंदर्भातील तुमच्या शंका दूर होणार कशा ? व्यवसायचे प्राथमिक ज्ञान तरी तुम्हाला मिळणार कसे ? कर्ज आणि सबसिडी याला कन्सल्टिंग म्हणता येणार नाही. या सेवा आहेत. कन्सल्टिंग म्हणजे व्यवसाय कसा करावा याचे ज्ञान. याला आम्ही व्यवसाय साक्षरता म्हणतो. आपण व्यवसाय साक्षर होणं आवश्यक आहे. ज्या दिवशी आपण व्यवसाय साक्षर होऊ त्यादिवशी आपल्याला कर्ज, सबसिडी, व्यवसायाची गॅरंटी, ग्राहकाची खात्री असल्या फुटकळ शंका आडव्या येणारच नाहीत, कारण ज्याला व्यवसाय कसा करायचा हे कळतं, त्याला पैसा कसा वाढवायचा हेसुद्धा कळतं.

म्हणूनच या वेबसाईटवर वर तुम्हाला व्यवसायासंबंधी जास्तीत जास्त माहिती देण्याचा प्रयत्न केला जातो. यात व्यवसायासंबंधी विविध लेख, व्यवसायासंबंधी माहिती, शासकीय योजना, व्यवसायांची नवनवीन संकल्पना, व्यवसाय विषयक बातम्या यासारखे विविध विषय आहेत. व्यवसायाच्या सुरुवातीच्या काळात येणाऱ्या अडचणी तुम्हाला येऊ नयेत हीच आमची अपेक्षा आहे. तसेच बेरोजगारीवर पर्याय फक्त व्यवसाय आहे आणि यासाठी तरुणांना व्यवसायाकडे वाळवणे आवश्यक आहे हेसुद्धा सत्य आहे, यासाठी सुद्धा हा आमचा छोटासा प्रयत्न आहे.

थोडक्यात …. हि वेबसाईट तुम्हाला व्यवसाय साक्षर करण्यासाठी आहे.

या वेबसाईट वर तुम्हाला विविध व्यवसाय तज्ज्ञांचे लेख, अर्थविषयक लेख, विविध व्यवसाय ऑफर्स, यशस्वी उद्योजकांची माहिती, विविध व्यवसायांची महती यासंबंधी सुद्धा पुरेपूर माहिती मिळते.

 

error: Content is protected !!