GDP मध्ये मोठी घसरण

GDP मध्ये मोठी घसरण

आर्थिक वर्ष २०१८ च्या दुसऱ्या तिमाहीत देशाच्या ढोबळ राष्ट्रीय उत्पन्न (जीडीपी) मध्ये मोठी घसरण झाली आहे. जीडीपी ८.२ टक्क्यांवरून ७.१ वर आला आहे.

आर्थिक वर्ष २०१८-१९ च्या दुसऱ्या तिमाहीत (जुलै-सप्टेंबर) मध्ये अर्थ व्यवस्थेचा विकास दर झपाट्याने खाली आला आहे. पहिल्या तिमाहीत ८.२ टक्क्यावर असलेला विकास दर आता ७.१ टक्क्यापर्यंत खाली आला आहे. अमेरिकन डॉलरच्या तुलनेत भारतीय रुपयांची सतत होत असलेली घसरण हे विकास दर खाली येण्याचे प्रमुख कारण मानले जात आहे. अवघ्या तीन महिन्यांमध्ये जीडीपी दर १.१ टक्के कमी झाला आहे.

भारतीय स्टेट बँकेच्या रिपोर्टनुसार, विकास दर ७.५ ते ७.६ टक्के राहिल असा अंदाज वर्तवण्यात आला होता. तसेच रॉयटर्स पोलमध्ये सुद्धा तज्ज्ञांनी पहिल्या तिमाहिच्या तुलनेत दुसऱ्या तिमाहिचा विकास दर घसरणार असल्याचा अंदाज व्यक्त करण्यात आला होता. कच्चे तेल, नैसर्गिक गॅस, रिफायनरी उत्पादन, सीमेंट, वीज या क्षेत्रात वृद्धी दर वर्षभरापूर्वी ५ टक्के इतका होता. तर २०१८ मधील सप्टेंबरमधील हा दर ४.३ टक्के इतका राहिला.

वाणिज्य आणि उद्योग मंत्रालयाने शुक्रवारी जारी केलेल्या आकडेवारीनुसार, ऑक्टोबर महिन्यातील उत्पादनामध्ये ११.५ टक्के, कच्चे तेल ५ टक्के, नैसर्गिक गॅस उत्पादनात ०.९ टक्के घसरण झाली आहे. तर दुसरीकडे कोळसा, सीमेंट आणि विजेच्या उत्पादनात वाढ झाली आहे.

उद्योजक मित्र फेसबुक पेज लाईक करण्यासाठी इथे क्लिक करा

वेबसाईट वर पब्लिश केलेल्या जाहिराती या जाहिरातदाराने दिलेल्या माहितीनुसार असतात. या जाहिरातींचा 'उद्योजक मित्र'वेबसाईट तसेच उद्योजक मित्रच्या इतर पोर्टलशी कोणताही संबंध नसतो. कोणतेही व्यवहार करताना संपूर्ण शहानिशा करूनच करा.

Related Post

Leave a Reply

Your email address will not be published. Required fields are marked *

error: Content is protected !!