by आपण बऱ्याच वेळा ऐकल आहे किंवा बोलत देखील असतो “उम्मीद पर दुनिया कायम है”, म्हणजेच आयुष्यात कधीही होप्स सोडू नका, कितीही वाईट परिस्थिती आली तर टिकुन रहा. पण जेव्हा आपण शेअर बाजारात एखाद्या पोजिशन बद्दल किंवा शेअर बाबत होप्स ठेवून इमोशनल होऊन पोजिशन तशीच ठेवून होल्ड करतो त्यावेळेस मात्र मार्केट प्रत्येक वेळेस आपल्याला नुकसानच देणार असते.
बऱ्याच वेळा आपल्याला समजतंय की मार्केट आपल्या विरुद्ध चालत आहे चार्ट्स काही तरी वेगळे बनत आहेत तरीसुद्धा आपण इमोशनल होऊन होप्स मध्ये त्या पोजिशन होल्ड करतो आज नाही तर उद्या नक्की मार्केट माझ्या बाजूने येईल पण मार्केट विरुध्दच जात असते हा प्रकार सगळ्यात जास्त फ्युचर – ऑप्शन मध्ये आपल्याला बघायला मिळतो
ट्रेडिंग करताना शक्यतो इमोशनल ट्रेडिंग किंवा होप ट्रेडिंग करू नका. सुरवातीला जो लॉस आपण बघत तोच सगळ्यात छोटा लॉस असतो नंतर हा लॉस बघता बघता खूप वाढत जातो, म्हणून एकदा का पोजिशन तुमच्या विरुध्द जात असेल आणि तुम्ही ठरवलेला स्टॉप लॉस हिट झाला तर बाहेर पडा, कारण आयुष्य आणि मार्केट आपल्याला रोज एक नवीन संधी देत असते, आपण जर भूतकाळात आणि जुन्या पोजिशन मध्ये अडकून राहिलात तर त्या येणाऱ्या नवीन संधीचे सोने तुम्ही नाही करू शकत…
शेअर बाजारात जर आपल्याला यशस्वी व्हायचं असेल तर खूप कठोर निर्णय घ्यावे लागतात. इमोशनल निर्णय घेऊन नुकसानच होणार आहे. शेअर बाजारात जो वेळेवर लॉस बुक करायला शिकला तोच ह्या बाजारात टिकून राहू शकतो.
—
नितीलेश पावसकर
८६०५१६८५२५ / 7666909157
लेखक सेबी रजिस्टर्ड रिसर्च अनॅलिस्ट असून, गुंतवणूक सल्लागार आहेत.
तसेच त्यांचे ‘तनिषा शेअर मार्केट अकॅडमी’ नावाने शेअर मार्केट संबंधी ऑनलाईन व ऑफलाईन क्लासेस सुद्धा आहेत.
यासोबतच ET Now बिजनेस न्यूज चॅनेल वर तसेच दूरदर्शन सह्याद्री वाहिनीवर शेअर मार्केट तज्ञ म्हणूनही उपस्थित असतात.
====================
‘उद्योजक मित्र’ सोशल मीडिया नेटवर्क फॉलो करा :: फेसबुक • ट्विटर • इंस्टाग्राम
All rights are reserved. Violation of copyright will result into legal action.
लेखनाचे सर्व हक्क राखीव आहेत. कॉपीराईट हक्कांचा भंग दिवाणी व फौजदारी कारवाईस पात्र राहील
